الموجز
أعلن الإعلامي عمرو أديب أنه يعتزم توزيع نقود على المحتاجين في عيد الأضحى، إلى جانب تخصيص جزء من أمواله للأضحية، مؤكدًا أن رأيه لا يستند لأي شيء فقهي.
وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء الإثنين،: "سعر العجل ما بين 70 لـ90 ألف جنيه، أنا شخصيًا ناوي أقلل عدد اللحمة وأعمل الأضحية بتاعتي والباقي أديه فلوس للناس".
وأشار الإعلامي إلى أن جزءًا كبيرًا من الأضحية عبارة عن هدر، قائلًا إن المواطن يحتاج النقود لتلبية احتياجاته في تلك الأوقات الصعبة.
وأضاف: "الناس محتاجة الفلوس أكثر من اللحمة، حد يشتري دواء أو يتعالج أو يشتري ملابس، أهم كتير من اللحمة، ندي الناس فلوس في إيدها لو عندها دين تسده أو فاتورة كهرباء، أنا ناوي أعمل كده ولا ألزم أحد".
وتابع مقدم برنامج "الحكاية" أن الأمر يقلل الضغط على اللحوم، بما ينعكس بالتبعية على الأسعار، مضيفاً: "اعمل 10% أضحية، إدوا الناس فلوس في إيدها لأنهم طالعين من امتحانات ثانوية عامة وامتحانات شهادات ورمضان، هو ركن وفرض محدش قال حاجة، لكن بالنسبة للناس القادرة وسعوا على الناس".
وواصل عمرو أديب: "لا أتحدث عن الفقراء والمساكين، في ناس عندها تحديات، ناس في عيلتك حد فقير يعالج أمه ويودي عياله مدارس، الخير يقع أكثر بالفلوس، ده رأيي، والظروف اللي إحنا فيها محتاجة تكافل ومساندة أو اتبرع بيهم لمستشفى.. حتة اللحمة مش هتعمله حاجة، في ناس مش عاوزة تاكل لحمة في ناس عاوزة تعيش".
0 تعليق