الموجز
علّق الإعلامي عمرو أديب، خلال برنامجه «الحكاية» على قناة «mbc مصر»، مساء الجمعة على الجدل الذي أثير في أعقاب المداخلة الهاتفية التي أجراها الفنان عادل إمام مع الإعلامي شريف عامر، في يوم عيد ميلاد الزعيم.
وقال الإعلامي عمرو أديب: «المذيعين نوعين واحد بيحسب الكلام بشكل دقيق ونوع مش بيحسب حاجة خالص.. لا ده صح ولا ده غلط".
وأضاف الإعلامي عمرو أديب أن المكالمة كانت بالصدفة البحتة (أجريت وقت احتفالية عيد الميلاد بحضور عدد من الفنانين)، معقبا: «أنا مكلمتش شريف لكني عارف هو فكر إزاي.. هو فكر إنه مش عاوز يضغط على الراجل.. شريف مكنش عاوز يخليه يقول حاجة مش حلوة».
وتابع الإعلامي عمرو أديب: «الموضوع مش إن شريف مش عارف يسأله.. شريف كان مقدّر إن الراجل داخل معاه يوم عيد ميلاده ومقدر إن مكنش عاوز يضايقه.. فيه مذيع تاني مش بيحسبها.. شريف حسبها إنه مش عاوز يبقى بايخ معاه ولا تحصل أي حاجة.. الشغل أنواع، كل واحد له طريقة".
واستطرد الإعلامي عمرو أديب : "شريف قرر يبقى ظريف ولطيف وإنسان.. شغلتنا دي جزء من واحد من جزء من الثانية.. وأنا بتكلم المفروض أكون بتكلم بشكل واعي والجمل صح ومبوظش الدنيا ومغلطش . شغلتنا مش سهلة".
0 تعليق