الموجز
علّق رجل الأعمال المهندس نجيب ساويرس، على تعرضه لحملة من الهجوم عقب دعوته للمصريين بالاستثمار في الذهب من قبل.
وقال ساويرس، في مداخلة هاتفية لبرنامج "حضرة المواطن" على فضائية "الحدث اليوم" مساء الثلاثاء،: "بالنسبة للهجوم جتتي نحست خلاص ومبيأثرش واللي عايز يسمع ويستفيد يسمع واللي مش عايز ميزعلش".
وأضاف رجل الأعمال: "إحنا من الناس والعائلات اللي بتدوب في مصر يعني، وكصعايدة لا يمكن أن نتنكر لفضل مصر علينا، وبدايتنا كلها كانت في مصر سواء والدي أو كلنا، ومش ممكن نتنكر لمصر".
وواصل المهندس نجيب ساويرس: "إحنا خرجنا بره مصر وعندنا استثمارات في العالم كله ودا كويس لمصر لأننا بنرفع اسم مصر، زي ميار شريف في التنس ومحمد صلاح في الكورة، هي نفس الحكاية واللي ملوش خير في بلده ملوش خير في حد".
كما علق ساويرس على الضجة التي أثارها تأويل تصريحات المهندس سميح ساويرس، رئيس مجلس إدارة شركة أوراسكوم القابضة للتنمية، قائلًا: "لازم الناس لا تفترض سوء النية في عائلة أو فرد أو شخص زي سميح أو زيي لما نقول كلمة، وتصريحات سميح كانت أن هناك مستثمرين كثيرين خائفين من القدوم لمصر لأنهم لا يعرفوا سعر الدولار شكله ايه، وبالتالي اللي قاله سميح مفيش فيه حاجة غلط".
وتابع: "ما قاله سميح ساويرس صحيح بخبرتنا وحديثنا مع مستثمرين آخرين، وإحنا نفسنا لما بنعمل دراسات جدوى لمشاريع جديدة يكون هناك عنصر مش عارفين نحطه في المعادلة وهو سعر الدولار"، موضحًا: "إحنا عائلة بتحب مصر أكثر من نفسنا ودايبين في حب مصر، فمش ممكن يكون هو له غرض غير خير مصر بتصريحاته".
وأكمل: "سميح لما لقى بنفسه أن في كلام اتاخد وفي ناس معينة استعملوه وبيروجوا له عشان ممكن يتسبب في ضرر أو يسيب لغط على مصر، فقام بعمل هذ التوضيح"، مؤكدًا: "سميح ساويرس أكثر واحد عنده مشاريع في مصر والجونة لديها خطة لبناء 20 أو 30 فندق آخرين ومرحلة رابعة من المارينا وجامعة يتم إنشاؤها هناك، ولما لقى أن تصريحاته تأول ويمكن أن تضر بمصر 1 في المليون فقام بنشر التوضيح".
وأردف نجيب ساويرس: "بقول للناس اللي بتحكمنا والبرلمان ووزرائنا ومجلس الوزراء، أن كلنا سنضار من الأزمة ومش عيب نقول رأينا ويكون لنا دور في حلها بس كلنا نستحمل ونسيب خلافاتنا على جنب لأن البلد محتاجه كل واحد يطلع كل اللي عنده"، مؤكدًا: "أي حد يستغلنا أو يبقى ضد بلدنا دا احنا نفرمه يعني قبل أي حد تاني".
0 تعليق