عمرو أديب: أنا بسمع ناس معاها فلوس كويسة بتصوت من الأسعار

0 تعليق ارسل طباعة تبليغ حذف

الموجز  

استنكر الإعلامي عمرو أديب فرض التجار لـ "أوفر برايس" على الأجهزة المنزلية الكهربائية، مشيرا إلى أن تلك السلوكيات ليست مرتبطة بوقت أزمة، ولكن بأوقات الرخاء.

وخلال تقديم برنامجه "الحكاية" المذاع عبر فضائية "إم بي سي مصر" مساء الإثنين، قال أديب: "هيجرى لكم زي العربيات، البوتوجاز والثلاجة هتقعد وأنت هتقعد، هيجي وقت الحاجة هتكون غالية ومش موجودة، يا جماعة دي مش سلوكيات أزمة، دي سلوكيات رخاء".

وأضاف الإعلامي: "الزبون ده غلبان أيا كان مستواه الاجتماعي، والله العظيم ثلاثة أنا بسمع ناس معاها فلوس كويسة بتصوت، ولما بينزلوا يشتروا بيقولوا إيه الأرقام دي، الناس مش لاقية الفلوس في الشارع".

وأكد مقدم برنامج "الحكاية" أن المواطن مستعد لشراء احتياجاته بسعرها الطبيعي وليس بسعر يفوق الربح.

ووجه أديب رسالة إلى التجار قائلاً: "بتعملوا في السوق كده ليه؟ زيك زي الباقيين الحاجة هتغلى ومحدش يشتريها وأنت هتقفل، إيه اللي بيجرى ده؟".

وشدد الإعلامي على أهمية انتباه المواطنين لسلوكيات إنفاق المال في الفترة المقبلة، مناشدًا إياهم قراءة سعر السلع قبل شرائها.

وتابع عمرو أديب: "زمن إننا بنلم ورايحين مودعين وواخدين عربية السوبر ماركت انتهى، أنا بحترم جدًا الست اللي تقول سعر دي بكام وليه زيادة كده، على كل كاشير في كمية سلع الناس مش عاوزاها، ودي رسالة للمنتجين خليها تبوظ وتعفن وتصدي وكل حاجة".

0 تعليق