«ربنا بعتلنا كهربا علشان ينكد علينا».. عمرو أديب لـ الأهلي: فلتوا من الزمالك

0 تعليق ارسل طباعة تبليغ حذف

الموجز  

أبدى الإعلامي عمرو أديب اعجابه بمباراة السوبر المصري بين الأهلي وبيراميدز والتي أقيمت مساء أمس الجمعة وانتهت لصالح الفريق الأحمر بهدف نظيف سجله علي معلول من ركلة جزاء.

وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء الجمعة،: "ماتش حلو.. بيراميدز مش بيخوض المباراة كمالة عدد ومفيش أهلاوي يقدر يقول الأهلي جبار.. وبيراميدز كان يقدر يقلب الماتش على دماغ الأهلي".

وأشار الإعلامي: "ولعنتنا الأبدية كهربا، أي حاجة دلوقتي بقى فيها كهربا وأي سبب لأي شيء بقى فيه كهربا، وكإن مقصود أن الحياة لا تتغير إلا بكهربا، وكان فيه جون جاي كان هيجيبه كهربا، وطبعا كهربا أهم حاجة في الحياة وأهم حاجة عند الأهلي".

وأضاف: "كان صعب جدا أن الأهلي يتغلب من بيراميدز، لأن بقالنا 4 أيام كله بيقول السوبر أهلاوي، مع هذه الحركة لازم الكرة الأرضية تتحرك لصالح النادي الأهلي والشناوي يشيل كل الكرات المستحيلة، كل مرة الأهلي لازم يفوز وكإن بيراميدز مش موجود ومفيش نسبة توقعات لخسارة الأهلي، لو عملتوا اللي الأهلي عمره ما هيتغلب".

وتابع: "لا يستطيع أحد أن يقول بيراميدز كان صيدا سهلا ولكن أنه الأهلي ولازم يفوز الأهلي ليه معرفش، وكل الكلام عن عظمة وبطولات الأهلي، احنا قاعدين كلنا نشوف الأهلي هيكسب ازاي؟".

ووجه مقدم برنامج "الحكاية" رسالة للنادي الأهلي، قائلا: "لقد أفلتم من نادي الزمالك كان الزمالك يستطيع أنه يخلص هذه المباراة ويعمل نتيجة كويسة إنما حظ الأهلي أنه فريق محاظيظ ويوصل السوبر ولسبب أو لآخر ميروحش الزمالك وتروح لاعيبة الأهلي سعيدة ومطمنة ومحدش خايف من زيزو ولا شيكابالا".

وواصل: "أهنئ النادي الأهلي ولكنه لم يكن الأعظم ولا فتاكا ولم يكن جبارا ولكنه فاز بالسوبر ولما يجي الأهلي يعدوا البطولات محدش هيقول إنه فاز ازاي ولكن في النهاية أخونا محمد الشناوي بطريقته المعتادة حافظ في المكسب".

وأكمل عمرو أديب: "الأهلي نادي جبار بالإرادة بتاعت الناس اللي حواليه، طبعا الأهلي يمثل 60% من جمهور الكرة المصرية وقوة اقتصادية ورياضية وتظل لعنتنا الأبدية كهربا وربنا بعتهولنا علشان ينكد علينا في كل ماتش والكاميرا لا تفارق كهربا".

ولفت إلى أن المدرب السويسري مارسيل كولر كان متواضعا في بداية المباراة، لعدم دفعه بمحمود كهربا ومحمد مجدي أفشة، لكنه وجد المباراة صعبة فدفع بالقوة الضاربة.

وتابع عمرو أديب: "أبدي إعجابي بالجمهور لكن أنا سألت نفسي سؤال .. لو كنا روحنا كنا هنقعد فين.. الاستاد كله أحمر على أحمر.. إحنا عارفين إن الأهلي له جماهير في كل مكان".

وتوّج الأهلي ببطولة كأس السوبر المصري بعد فوزه على  بيراميدز بهدف نظيف، في المباراة التي احتضنها ستاد محمد بن زايد بالعاصمة الإماراتية أبوظبي.

0 تعليق