الموجز
أكد الإعلامي عمرو أديب على ضرورة الخروج من الأزمة الاقتصادية بشكل سريع، مجددًا اقتراحه وطلبه ببيع بعض الأصول التابعة للدولة.
وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء الإثنين، إن البعض يرى بأن التصنيع الحل للأزمة الحالية، معقبًا: "كنت صنّعت في الـ30 سنة اللي فاتت، جاي في الـ30 شهرًا اللي فيهم الأزمة وتصنّع؟".
ولفت الإعلامي إلى أن الدولة والحكومة الحالية "توفي التزاماتها حتى الآن، وساهمتا في خروج مصر من الدول التي قد لا توفي"، متابعاً: "نحن في الأمان ونوفي التزاماتنا وناس كتير واقفة جنبنا، والفترة الجاية يجب أن تلعب ورقك صح".
وتساءل عن سبب امتلاك الدولة لشركة محمول ومشاركتها في شركة أخرى، مضيفاً: "دي منافسة غريبة جدًا، امتلاك الدولة للأرضي كله والنت كله أفهمه، عشان اتصالات البلد ولازم تؤَمن، لكن الألو ده بعمل بيه إيه؟".
وتابع: "الضرورات تبيح المحظورات"، مضيفاً: "ساعات الدولة تئن شوية وتخرج من أشياء، البعض بيقول: (دي فلوس الأجيال الجاية)، لكن لو مظبطناش الدنيا دلوقتي الأجيال الجاية مش هتلاقي حاجة"، بحسب وصفه.
وأكمل عمرو أديب: "ناس كتير بتعمل شركات عشان تبيعها، هو أنت يعني أعظم من تويتر؟ في مستثمرين سعوديين وقطريين في البيعة الجديدة للشركة، ومحدش خرج قال ده أهم حاجة في أمريكا وعملناه بدمنا، أهم حاجة إنك تبيع بسعر عادل".
0 تعليق