«ده شروع في قتل».. عمرو أديب يعلّق على واقعة الاعتداء على سائق قطار الدقهلية

0 تعليق ارسل طباعة تبليغ حذف

الموجز   

علّق الإعلامي عمرو أديب على واقعة التعدي على سائق قطار الدقهلية في وقت سابق الإثنين.

وكان خالد الخطيب، سائق قطار الدقهلية، قد تعدي عليه بعض الأشخاص من خلال إلقاء حجر على زجاج القطار، تسبب في إصابته في عينه اليسرى وجرح طوله 3 سم.

وقال أديب، خلال تقديم برنامجه "الحكاية" المذاع عبر فضائية "ام بي سي مصر" مساء الإثنين،: "مش قادر أفهم إن فكرة القطر معدي وواحد واقف يروح يضرب سواق القطار بطوبة يعوره، ونفسي افهم دا لية واية المتعة في ضرب سائق القطار بالطوبة".

وأضاف الإعلامي: "هذا الأمر بيتكرر كتير.. النهاردة الراجل سائق قطار شربين ومستغرب من القدرة والقوة ان في طوبة والقطار معدي تتضرب من واحد وتخترق الزجاج وتعور الراجل"، متسائلا: "هل دا امر محتاج دكتور نفسي؟!، سواق القطار دا بطل عظيم بعد ما تعور في عينه لو في أي حتة برة الدنيا تولع القطر يقف والناس تنزل، لكن السواق فضل مكمل بعد ما وصل المحطة وهو بعين واحدة وبينزف".

وتابع عمرو أديب: "أنا مش فاهم ومش مستوعب اية المتعة في ضرب القطار بالطوبة، أي هي عقدة المصريين مع سواق القطر، والناس اللي بتضرب سواق القطر اكيد بيركبوا القطار انتا اية مشكلته مع القطار، احنا محتاجين طبيب نفسي ومش لاقي تفسير لما حدث، طيب لو السواق اغمى عليه والراجل بقى من غير قائد وداخل على مزلقان وماوقفش في المحطة هيحصل كارثة، لازم العيال دي بعد القبض عليهم يكونوا عبرة، لأن دي مش حادثة عارضة ومش إصابة عمل.. دا شروع في قتل".

أخبار ذات صلة

0 تعليق