رسالة من طبيب إلى نجل «ماما سناء»: محدش قتل أمك غيرك يا محمد

0 تعليق ارسل طباعة تبليغ

الموجز 

وجه أحد الأطباء رسالة إلى محمد، نجل "اليوتيوبر" ماما سناء، والتي توفيت قبل أيام بسبب إصابتها بفيروس كورونا المستجد.

وجاءت رسالة الطبيب، التي نُشرت على صفحة "اتحاد المهن الطبية" على موقع التواصل الاجتماعي "فيس بوك"، حاملة اتهاماً صريحاً لمحمد نجل ماما سناء بالتسبب في وفاتها بسبب إهماله لها متغاضياً النظر عن سنها وحالتها الصحية بالإضافة إلى تجاهله للإجراءات الاحترازية التي شددت عليها الحكومة في أكثر من مناسبة في ظل أزمة تفشي فيروس كورونا المستجد.

وقال الطبيب في رسالته: "محدش قتل أمك غيرك يا محمد .. أيوه دي الحقيقة اللي لازم تسمعها مني ومننا كلنا".

وأضاف الطبيب: "خلصت عياط ؟؟ عملت كام مليون مشاهدة ع الفيس واليوتيوب وإنت بتشتم ف الدكاترة البجحين اللي قلبهم ميت عشان قالولك معندناش سرير رعاية لأمك !! أيوه يا سيدي تخيل معندناش أماكن رعاية فاضية لأي حد يتعب كلة بقي مشغول حكومي وخاص ومش مخبين السراير ف بيوتنا والله".

وتابع: "وخد الكبيرة بقي يا سي حمو إحنا نفسنا كدكاترة بنعيا وبنموت اقسم بالله ومبنلاقيش سراير يا عم .. شوفت ازاي !! وبقالنا أربع شهور منقوعين ف الهم ده و ريقنا نشف وإحنا بنقولكم اقعدوا ف بيوتكم خافوا على كبار السن إرحمونا أهاليكم عشان عاملين حساب لليوم ده كويس وعارفين إمكانيات البلد اللي بنشتغل فيها".

وأضاف الطبيب: "ياما حذرناكم لو العدد زاد المنظومة الصحية كلها حتنهار ومش حنقدر نسعفكم وإنت بلا فخر واخدلي أمك الست الكبيرة اللي صدرها تعبان أصلا وبتنهج وهي بتتكلم وعمال تلف بيها في الشوارع وتعمل على حسها فيديوهات وتلم في فلوس وكلة على صفحتها متسجل بالساعة والتاريخ إيشي مرة عزومة فسيخ وكلكم عندها ف بيتها ومره فطار ف رمضان وطبعا الحبايب كلهم معزومين ومره إتفرجوا على ماما سناء ف كارفور بتعمل إيه ومره ماما سناء بتاكل شاورما من عند فلان ومره ماما ف الجيم وإتفرج يا سلام وداير تتنطط بيها من مكان لمكان ولا عامل أي إعتبار لسنها وحالتها الصحية ومناعتها، المهم عندك تعمل مشاهدات وبس وتلم فلوس ودلوقتي طالع تولول وتشتم فينا إحنا وتعمل برضه مشاهدات على حسها بعد ماتوفت !!"

واختتم الطبيب رسالته إلى محمد قائلاً: "هاقول ايه بس ،، الله يرحمك يا ماما سناء ويجعل مثواكي الجنة وإنت و كل اللي زيك ربنا يهديكم ويرحمنا من جهلكم وأذاكم ويعديها معانا ومع البلد على خير".

 

تخلي شبكة الجديد الإخبارية مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر

أخبار ذات صلة

0 تعليق